Anthology of Yiddish Poetry
of Poland between the two
World Wars (1918 - 1939)

אַנטאָלאָגיע פון דער ײִדישער פּאָעזיע
אין פּוילן צווישן ביידע וועלט מלחמות
(1918 - 1939)

 
 
  Home  |  Index of Poets  |  About  |  Translators  |  Acknowledgments  |  Links  |  Contact Us  
 
 
  Home > Reyzl Zykhlinsky > Before the mirror    

  Click for translation: English | French    

     
פֿאַרן שפּיגל

רחל אויערבאַך געווידמעט

וויפֿל פֿרויען האָבן שוין דערזען די ערשטע גרויע האָר
אין די קאַלטע אויגן פֿון דעם שפּיגל?
עס ענדיקט זיך דער חלום,
מיר טרעטן אַרײַן אין דער וואָר.
און אפֿשר פֿאַרקערט?
די וועלט ווערט קלאָר און ווײַס:
דאָס וואַסער ווערט געפֿרוירן
אַ בלוי שטיק אײַז
ווערט אונדזער שיף.
מיר ציִען אויס די הענט צו רויטע האָריזאָנטן –
און אַזוי ווי אונדזערע שוועסטערן
אין דער טיפֿעניש פֿון ים,
די מעדוזן,
לויכטן און באַלויכטן זיך אַליין דעם וועג –
אַזוי וועלן מיר שוין דאָ אויף דער אויבערפֿלאַך,
דורך נעכט, דורך טעג
לויכטן און באַלויכטן זיך דעם וועג.

 
 


 
Site Design by Twam
 
YiddishPoetry.org